LAOAG CITY – Kinantiyawan ni dati a Presidential spokesperson Harry Roque ti nagbalin a rakurak ni Department of Justice Secretary Jesus Remulla a maipagarop a naibasura ti asylum application iti The Netherlands.
Inpetteng ni Roque a maysa a ‘fake news’ ti rakurak ni Remulla gapu iti saan a panangipub-publikar ti Dutch government kadagiti dokumento kadagiti agap-aplikar ti asylum.
Inlawlawag na ti panagturong na iti Germany ket nabayagen a naplano ken personal ti mapanna aramiden iti nadakamat a pagilian.
Inpaganetget ni Roque a masapol a kanayun nga agannad ti sekretaryo iti panagkalap ti impormasyon kangrunaan na ket naminduan a daras a naallilaw iti fake news nga idi immuna ket rumrumuar nga ado dagiti us-usaren na a passport ngem naglikudan daytoy ti Bureau of Immigrations ken inpasigurado ti ahensya a maymaysa laeng ti pasaporte na.
