LAOAG CITY – Naglikudan ni dati a Presidential Spokesperson Atty. Harry Roque ti reklamo a land-grabbing.
Daytoy ket kalpasan ti panangireklamo kenkuana ti 15 a mannalon iti National Bureau of Investigation (NBI) no sadinno nga iti paset ti daga dagitoy a sakupen ti Certificates of Land Ownership Award ket inyakar iti private corporation nga adda ti pakainaiganna iti Philippine Offshore Gaming Operations wenno POGO.
Naiyakar ti daga dagitoy iti Bataan iti Philippine Offshore Gaming Operations nga awan ti aniaman a clearance manipud iti Department of Agrarian Reform (DAR).
Inbatad ni Roque a pammerperdi laeng daytoy kenkuana ken awan pay ti kasona gapu ta paset laeng daytoy ti reklamo.
Inpetteng ni Roque a nakasagana a sangoenna ti aniaman a kaso kontra kenkuana.
