LAOAG CITY – Naibunong ti harvester ken solar water pump kadagiti gunglo ti mannalon iti ili ti San Nicolas.
Segun ken ni Mayor Edmar Vincent Bonoan, daytoy ti umuna a bansada dagiti maipaay a farm equipment kadagiti mannalon.
Kinunana a daytoy ti sungbat ti kalikagum ti lokal a gobierno a maaddaan ti bukodda a farm equipment malaksid kadagiti ramit a naggapu iti national.
Naamoan a ti naigatang a pondo ket manipud iti excise tax wennu ti RA 7171.
Innayonna, a dagiti naibunong a harvester ken solar water pump ket dakkel a tulong kadagiti mannalon gapu iti agtultuloy a ngumin-ngina a presio ti produkto a petrolyo.
