LAOAG CITY – Immaboten iti sumagmamano a paset ti Luzon ken Visayas ti asok manipud iti forest fires iti Kalimantan, Indonesia gapu iti Southwest Monsoon.
Nagballaag met ti Department of Health iti pagilian a posible a makaipaay daytoy ti kinarigat iti panaganges, panaguyek, panagsakit ti bagbago, panagbudo, panaglua dagiti mata, ken panagkaro dagiti sakit iti bara kas ti asthma no daytoy ket sumrek iti bagbagi ti maysa nga indibidual.
Nagabiso ti Department of Health (DOH) ti doble a panagan-annad para kadagiti ubbing, natataengan, ken dagiti dati nga addaanen ti sakit ti bara wenno puso.
Iti rakurak ti DOH, agtultuloy ti pangta ti haze, no sadinno a kunada a kasapulan ti amin ti agisuot ti mask no rumuar iti pagtaengan.
