LAOAG CITY – Kiniddaw ni Mr. Edwin Cariño, mangidadaulo ti Sustainable Development Center a dumalan ti Health Declaration Checklist dagiti sumangpet manipod iti ballasiw-taaw.
Segun kenkuana, nasken nga adda maiyuswat nga Health Declaration Checklist tapno maammoan ti kondisyon iti salun-at dagiti pasahero a sumangpet ditoy pagilian nupay adda posibilidad na a saan a pudno ti ikabil dagiti maseknan a napananda.
Inlawlawagna a daytoy a sakit ket saan nga ang-angaw rason a nasken nga awan koma ti makalusot ditoy probinsia a naapektaran ti nasao a sakit.
Innayon na nga ita a bulan ket adu dagiti nagannak wenno kabagian nga agawid manipod iti ballasiw-taaw tapno agatendar ti panagturpos dagiti annak wenno kabagianda.
