LAOAG CITY – Binalakadan ti eksperto kadagiti makaakar a sakit a ni Dr. Rontgene Solante ti publiko nga agpabakuna usar ti 2026 influenza vaccine tapno maprotehiran kontra iti baro nga agresibo a “super flu,” maysa a mutated nga H3N2 variant.
Kuna na a ti bakuna idi 2025 ket mabalin nga adda paylaeng ti bassit a proteksyon na, ngem ti ad-adda nga irekomendar na ket ti tinawen a panagpabakuna.
Mapadpadaanan ti baro a bakuna intono Pebrero wenno Marso 2026.
Binalakadan na pay dagiti high-risk groups, aglalo dagiti nataengan ken addaan ti comorbidities, nga agpabakuna a dagus.
Inpetteng ni Solante a makaalay-ay ti bakuna iti risgo ti nakaro a sakit ken ospitalisasyon, uray mabalin a rumuar paylaeng dagiti sintomas.
Nagpalagip pay a dagus a mapan agpakita ti doktor no adda ti sintomas, gapu ta ti “super flu” ket mabalin paylaeng a mangitunda ti seryoso a komplikasyon kas ti atake iti puso wenno stroke, ngem saan a kas ti kagrabe ti COVID-19.
