LAOAG CITY – Inlawlawag ni Dr. Alan Taylan, Internal Medicine ti St. Camillus de Lellis Hospital ti maipanggep iti pancreatitis a posible nga agtungpal ti diabetes wenno cancer.
Segun kenkuana, ti pancreatitis ket ti panagmaga ti pancreas, maysa nga organ iti likud ti buksit a mangiruaruar kadagiti enzyme para iti panagtunaw ken dagiti hormone para iti asukar iti dara.
Inbatadna a daytoy ti mangitunda ti nakaro a sakit iti buksit a mabalin nga agwaras iti likud, panag-vomit, panaggurigor ken masansan a kasapulan a maitaray iti ospital.
Inpettengna a dagiti masansan nga agbarbartek ti kangrunaan a makapasar ti narisgo nga acute wenno chronic pancreatitis.
Kunana ti epekto no lumteg ti pancreas ti maysa nga indibidual ket ti diabetes gapu ta bumaba ti lebel ti insulin isut gapuna a ngumato met ti lebel ti blood sugar.
Mainaig iti daytoy, inpakaammo ni Dr. Taylan a ti makaigapu no apay a makapasar ti maysa nga indibidual ti acute wenno chronic pancreatitis ket ti cancer.
Innayonna a mabalin pay a maala ti nasao a sakit babaen kadagiti maipapauneg a taraon.
