LAOAG CITY – Inrubuat ni 4th district Quezon Cong. Atorni Mike Tan ti health promotion program a mangpasayaat iti salun-at dagiti umili tapno makissayan ti panagwaras dagiti lifestyle disease kas ti diabetes, hypertension, cancer ken dadduma pay ken makissayan ti magastos iti panagpaagas.
Inbatad ni Cong. Mike a nagastos ti agkasakit gapu iti adu pay ti kasapulan ti pamilia iti panagbiagda.
Gapu iti daytoy, ginutigot ti kongresista dagiti amin a kadistritona a makipaset iti health promotion activities tapno agkakadua nga itandudo ti nasalun-at ken nadur-as a komunidad.
Basar iti Assistant Majority Leader ti Kamara, ti dakkel a magastos iti panagpaospital ket maysa kadagiti dakkel a problema a sangsangoen ti health sector a mabalin a masolusionan iti babaen dagiti programa para iti health promotion.
Naammoan a ti aktibidad nga inawagan nga Health Quezon 4D ket inatendaran dagiti sumagmamano a sektor manipud kadagiti 10 nga ili ti 4th district ti Quezon.
