LAOAG CITY – Inkari ni Presidente Ferdinand Marcos Jr. a siguradoenna nga accessible ti medical care para iti tunggal Pilipino.
Inulit ti Presidente ti “strong commitment” daytoy nga ipangpangruna ti healthcare system ditoy Pilipinas.
Maipalagip nga inbilin ti Chief Executive iti Department of Health (DOH) a bayadan amin ti gastosen ti amin nga inpatient, outpatient ken emergency services kadagiti 22 a public hospitals iti intero a pagilian iti babaen ti “Zero Billing.”
Inbatad ti maysa kadagiti netizen a ni Adrianne Bianca a nasken nga ipangpangruna ti gobierno ti salun-at ken pagsayaatan dagiti Pilipino iti babaen ti Universal Healthcare.
Kunana a ti “Zero Billing” ket dakkel a tulong ken nasken nga ipatungpal iti inaldaw-aldaw.
