LAOAG CITY – Maisayangkat manen ti sumaruno a panagdengngeg iti Kongreso intono Agosto 9 kadagiti Ilocos 6 kenni Gov Imee Marcos seknan ti maipagarup a misused of funds.
Daytoy ti inbatad ni 1st District Rep. Rodolfo Fariñas iti pannakiuman ti Bombo Radyo.
Kuna na nga adda pay ti kayat a salud-suden dagiti dadduma a miembro ti kongreso gapu ta sursuruten da ket iti “in aid of legislation”.
Inbatad ni Fariñas a kasapulan a malawlawagan a naimbag ti cash advance a 32 a milyon a pisos a naipaima iti empleyado nupay awan pay ti pakausaran ti nasao a gatad.
Kuna na a pro-protehiran da laeng ti kuarta ti gobyerno rason nga agiwayat da ti imbestigasyon kadagiti makita nga addaan ti maipagarup nga anomalya.
Kabayatanna, naglikodan ni Fariñas dagiti alegasyon a panagpulitika ti ub-ubraen na nga imbestigasyon iti maipagarup a misused of funds.
Kuna na a kitaen da laeng no kasano a nagastos ti pondo manipud ti RA 7171 ken no nasurot ti government procurenment a nadakamat pay ni Presidente Rodorigo Duterte iti maikdua a SONA na.
