LAOAG CITY – Agpada a naital-o da Fashion Icon Heart Evangelista ken Filipino-American content creator a ni Bretman Rock kas cover stars ti inrubuta nga issue ti maysa a beauty brand magazine iti Pilipinas.
Iti maysa a bidyu, inburay ni Heart dagiti nararagsak a behind-the-scenes manipud iti cover shoot-da iti social media.
Iti nasao a bidyu, makita nga agen-enjoy ken agkinkinnatawa pay ti dua iti nagbaetan dagiti ala kabayatan a mangipakpakita ti napipintas a pose iti sango ti lente ti nalatak a photographer a ni Mark Nicdao.
Iti cover photo ti dua iti social media, nailadawan da Heart ken Bretman kas perpekto a ladawan ti kabaroanan a Pilipino.
Bimmisita iti kallabes ni Bretman ditoy Pilipinas kaduana ti nobiona a ni Justin Fester a nagpasiar idiay El Nido ken Bohol.
Iti panagawidna, naam-ammona pay ti aso ni Heart a ni Panda pakairamanan ti influencer a ni Mimiyuuuh. Ni Bretman ti nagbalin a baro a rupa ti nalatak a cosmetics iti pagilian.
