LAOAG CITY – Agtultuloy ti panangawat ni Heart Evangelista ti pammigbig kas style icon gapu ta naikeddeng nga umawat daytoy ti Global Fashion Influencer of the Year award idiay Dubai sakbay nga agngudo ita a bulan.
Ni Heart ti nabirngasan kas Queen of Fashion ti pagilian gapu iti dakkel nga impluwensia daytoy iti local ken international brand.
Ti 5th EMIGALA Awards ket maiyuswat ita nga aldaw, Abril 22 ken 23 iti Jumeirah Emirates Towers idiay Dubai.
Immunan a nakaawat ti pammigbig ti dati a Miss Universe Pia Wurtzbach kas Global Fashion Influencer of the Year.
