LAOAG CITY – Inarestar ti FBI da Miami Heat guard Terry Rozier ken ni Portland Trail Blazers head coach Chauncey Billups gapu iti pannakairaman da iti iligal a sugal.
Karaman pay a naarestar ni dati nga NBA player Damon Jones.
Segun ken ni FBI Director Kash Petl, sumagmamano a milyon a dolyar ti karaman iti illegal a poker game.
Innayon na a saan da laeng nga inarestar dagitoy gapu iti illegal a sugal no di ket karaman pay dagitoy iti mafia families a La Cosa Nostra ,Bonanno, Gambino, Genovese ken Luchese crime families.
Maibilang a pakasaritaan ti pannakaarestar kadagiti maseknan iti sumagmamano tawen nga iligal nga sports gambling.
