LAOAG CITY – Inpatungpalen ti Metropolitan Manila Development Authority (MMDA) ti panangipatungpal ti “Heat Stroke Break Policy” tapno maprotektaran ti salun-at dagiti traffic enforcer ken street sweeper-da kontra iti nakaro a kinabara ti panawen.
Indauluan da Metropolitan Manila Development Authority Chairman Atty. Don Artes ken General Manager Nicolas Torre III ti panangipaay ti naka-galon a mainum a danum, insulated a pangikabilan ken reusable water bottle kadagiti kameng iti Timog Avenue kas paset ti kampania para iti kinatalged ken panangtagiben iti aglawlaw.
Naisayangkat ti programa iti tulong dagiti water concessionaire a Maynilad Water Services ken Manila Water a nangipaay ti suporta tapno masigurado nga umanay ti inumen a danum dagiti kameng a naka-deploy iti kalsada.
Iti babaen ti Memorandum Circular No. 04, maipatungpal, ti 30 a minuto nga heat stroke break tunggal panawen ti napudot a paniempo kas proteksion kadagiti field personnel nga agtrabtrabaho iti kinabara ti panawen.
Kuna ni Torre, amin a satellite offices ti Metropolitan Manila Development Authority ket maipaay ti umdas a suplay ti danum para kadagiti empleado nga agtrabtrabaho iti kalsada ken mapatta-patta nga umabot iti 4,000 traffic enforcers ti mabenepisiaran iti nasao a programa.
