LAOAG CITY – Nagrikep ti Heathrow Airport idiay United Kingdom ita nga aldaw kalpasan a nagpukaw ti supply ti kuryente gapu iti napasamak nga uram iti asideg ti electrical substation a mangsupsuplay iti nasao nga erupuerto.
Ti nasao nga erupuerto ti maibilang kas “busiest airport” iti United Kingdom.
Naamoan a gapu iti napasamak nga uram ket umabot iti agarop 5 ribo a balay ti napukawan ti supply ti kuryente idinto a 150 nga indibidual dagiti naibakwit.
Umabot met iti 1,351 a flights a sumrek ken rumuar iti erupuerto ti nakanselar gapu iti nasao nga insidente.
