LAOAG CITY – Naka-heightened alert ti Philippine National Police (PNP) para iti panangrugi ti tinawen a Simbang Gabi kas panangrambak iti paskwa.
Binilin ni Philippine National Police Chief, Police General Rommel Francisco Marbil ti amin nga istasyon ti pulisya ditoy pagilyan a paigetan ken makikomunikar kadagiti local government units, dagiti opisyal ti simbaan ken dadduma pay nga organisasyon tapno mapagtalinaed ti linak, urnos ken seguridad ti publiko.
Nakaplastar metten dagiti Police Assistance Desks (PADs) kadagiti asideg dagiti simbaan tapno alalisto da a makapagresponde kadagiti residente, idinto a naiget ti monitoring da kadagiti lugar nga addaan ti nangato a crime rate.
Kabyataanna, binalakadan ni Marbil dagiti deboto nga agbalin a naalerto ken siguraduen ti kinatalged dagiti kagamitan da.
