LAOAG CITY – Inpakaammo ni Ms. Glenda Almo, ti mangidadaulo iti Laoag City Public Market and Commercial Complex nga awan ti kinapudno na iti alegasyon nga adda ti nadangran a maysa a forter nga agtrabtrabaho iti nasao a pasdek.
Daytoy ket kalpasan ti panangibutaktak ni Alyas Wewe a maipagarop a dinangran isuna dagiti kameng ti Civil Security Unit bayat a nakaduty.
Segun kenni Almo, nangrugi daytoy nga isyu idi naminsan nga inawagan dagiti CSU ti atensyon ni Wewe gapo pay laeng iti panaginom na.
Kunana a basar kadagiti kameng ti CSU, naduktalan da ti panaginom ni alyas Wewe iti resting area dagiti trabahador ti merkado publiko ken pinaneknekan da daytoy iti naala a ladawan nu sadinno a makita nga adda ti botelya ti arak.
Inbatad na a no pudno kuma ti alegasyon ni Wewe a maipagarop a pannakadangran na ket adda kuma ti maipresentar na a medico legal.
Kabayatanna, inpakaamo ti market master nga adadan ti gundway a pinaayaban da ti maseknan ngem agpapan ita ket saan pay a dimmatag iti opisina na.
Iti agdama, plano ni Almo a makisarita iti vendor a pagpapaayan ni Wewe ken ammoen no anya ti plano na gapo ta saan a mabaluin a dagus nga ikkaten daytoy.
