LAOAG CITY – Kinumpirmaran ni PLt. Ashley Clyner Cacayorin, ti deputy chief of police iti iti PNP-San Nicolas a balligi a naarestar ti maysa a lalaki iti naiyuswat a drug buybust operation iti Brgy. 19 iti nasao nga ili.
Binigbig ni Cacayorin ti suspek a ni Kenneth Rebolio, helper ken residente iti nadakamat a barangay.
Inlawlawagna a maysa a pulis ti nagpammarang a poseur buyer ken maysa a sachet ti maatap a shabu ti nagatang manipod iti suspek.
Kabayatanna, kuna na a kabayatan ti pannakaiyuswat ti operasyon ket nadlaw ti suspek a pulis ti katransaksyon na isut gapu na a ginandat na ti nagtara.
Nu pay kasta, inbatad na a natiliw met laeng a dagus daytoy nu sadino a nakapkap pay iti bulsa na ti uppat a sachet ti maatap a shabu.
Immuna nga inpakaammo ni Cacayorin a nabayagen a mamonmonitor ti suspek gapu iti iligal nga aktibidad na.
Innayun na a malaksid iti pannakainaig na iti iligal a droga ket maipagarup nga adda pay ti dagiti nakainigan na maipangaggep iti panagtatakaw.