LAOAG CITY – Nagballigi ti naiyuswat nga anti-illegal drug buy-bust operation babaen ti panangidaulo ti Philippine Drug Enforcement Unit (PDEU) iti Brgy 2 Garreta iti ili ti Badoc.
Nabigbig ti subject ti operasyon a ni Hadley Basuel y Villa, agtawen ti 26, baro, funeral parlor helper, resident iti Brgy Turod iti ili ti Badoc ken maibilang kas Street Level Individual iti babaen ti Coplan HB.
Segun iti report, kinemmeg a dagus dagiti otoridad ni Basuel kalpasan a naglako ti maysa a heat-sealed transparent plastic sachet a naglaon ti maipagarop a shabu iti maysa a nagpammarang a poseur buyer.
Iti pannakakapkap ti suspek ket nakakumpiskar pay dagiti otoridad ti uppat nga heat-sealed transparent plastic sachets a naglaon ti maipagarop a shabu, dua a 500.00 bills kas buy-bust money, P20.00 a personal a kwarta ni Basuel, maysa a cellphone ken ti motorsiklo na.
Mapatta-patta a dagiti nakumpiskar a maipagarop nga illegal a droga ket agdagsen ti maysa a gramo ket agbalor ti 6,800 a pisos.
