LAOAG CITY – Naisubli ti kopya ti libro ni Ernest Hemingway a napaulwan ti The Sun Also Rises iti library idiay Connecticut kalpasan ti 56 a tawen.
Karaman iti daytoy ket ti palawag no apay a naitantan ti pannakaisubli ti libro ken ti bayad iti nabayag a saan na a panangisubli.
Iti nasao a surat, inbatad ti nangbulod a naiyanak ken dimmakkel isuna iti nasao a lugar ngem immakar ti pamilya na idiay New York idi 1980.
Kunana a manarimaan ti panangugak na kadagiti daan a kahon ken ditoy a nakita na ti binulod na a libro addan ti 56 a tawen ti napalabas.
Segun iti Greenwich Library, ti nasao a libro ti maibilang a “most overdue book of all time.”
Kabayatanna, nagyaman met ti pasdek iti panangisubli ti saanen a nabigbig a bimmulod iti libro.
