LAOAG CITY – Inlawlawag ni Police Captain Granduer Tangonan, ti chief of police iti ili ti Piddig no apay a saan a naipakaammo kadakuada a dagus ti pannakakimat a puon ti nakatayan ti mannalon a ni Danilo Andres Jr. idiay Barangay Sta. Maria iti nasao nga ili.
Segun kenkuana, adayo ti nasao a barangay manipod iti sentro ken napigsa pay ti tudo, malaksid pay ti nakapsot ti signal ti komunikasyon.
Mainaig ti daytoy, inbalakad ni Tangonan kadagiti umili kangrunaan na dagiti mannalon a no mangrugin nga agtudo ket aglinong gapu ta awan ti pilpilyen ti kimat a kas ti napasamak ken ni Andres.
