LAOAG CITY – Naiget a naglikudan ni Police Lt. Cesar Mangawin, ti chief of police iti ili ti Carasi ti alegasyon kenkuana a maipagarop a pannakiraman na a nangdangran iti maysa a residente iti nadakamat nga ili.
Nabigbig ti maibagbaga a nadangran a ni Roderick Ambrocio, residente iti Barangay Barbaqueso iti met laeng nasao nga ili.
Iti palawag ni Mangawin iti Bombo Radyo Laoag, inbatad na nga adda ti naisayangkat a program iti auditorium idi rabii ti domingo, nobyembre 24 gapu ta kasangay ti mayor iti nasao nga ili.
Kuna na napan nagsala-sala ni Ambrocio iti tengnga ken nabarbartek daytoy isut gapuna nga inruwar da ngem nagsubli met laeng.
Inbatad na nga iti panagsubli na ket kellaat na lattan a pinang-or ti bote ti arak ni IP representative Edcel Vicente, ken naamoan da nga addan ti dati a susik da.
Gapu iti daytoy, simmubbot ni Vicente ken iti panaganawa da ket naiwalin ti hepe ni Ambrocio.
Innayon na a possible nga iti pannakaiwalin na ken ni Ambrocio ket sabali ti nangipapanan dagiti nakakita ken inbaga da metten a rimmaman a nangkabkabil iti maseknan.
Segun pay ken ni Mangawin, iti pannakisarita da ken ni Ambrocio ket inadmitir na a saanna nga ammo ti inar-aramid na.
Manamnama ti panagsasarita ti dua a partido mainaig iti nasao a pasamak.
