LAOAG CITY – Posible a mapilaan ti kaso administratibo dagiti uppat a pulis pakairamanan ti hepe ti PNP-Pagudpud gapo iti panaglibas ti maysa a balod.
Daytoy ti kinumpirmaran ni Police Lt. Col. Randy Baoit, ti pannakangiwat ti INPPO.
Segun kenni Baoit, iwayat da pay laeng ti naun-uneg nga imbestigasyon iti napasamak ti istasyon ti pulisya iti nasao nga ili.
Kunana a less grave neglect of duty ti posible a kaso kontra kadagiti nadakamat a pulis.
Mainaig iti daytoy, kuna ni Baoit a nabirukan da met laeng ti naglibas a balod iti met laeng ili ti Pagudpud ken dagus a naiproseso ti panagpyansa na.
Maipalagip a naibalod ti lalaki a ni Richard Tabillas, residente iti Barangay Pancian gapo iti kaso nga Illegal Logging ken ti panaglabsing na iti Chainsaw Act.
