LAOAG CITY – Naiget a naglikudan ni Police Captain Michael Permison, ti chief of police ti PNP-Currimao ti alegasyon a napan nakisugal iti maysa a minatayan idiay Barangay Gaang idi rabii ti Biyernes, Hunyo 14.
Segun kenni Permison, iti nasao a rabii ket adda iti kwerpo ti pulisya ken inbaon na dagiti tao na a mapan agpatrolya kadagiti minatayan tapno makita no adda ti agsusugal.
Inbatad na nga awan ti nakita dagiti pulis nga agsusugal iti minatayan iti nasao a barangay.
Patyen ni Permison a ti nagreklamo ket maysa kadagiti madaldalapos iti naiget a kampanya da kontra iti panagsusugal.
