LAOAG CITY – Pabor ni Police Lt. Col. Amador Quiocho, ti chief of police ditoy ciudad ti Laoag iti inrakurak ni PNP Chief Archie Gamboa a maipalubos ti agsusugal kadagiti minatayan.
Inbatad ni Quiocho a napintas daytoy nga addang tapno adda ti kaandingay dagiti agminatay.
Inlawlawag ni Quiocho a no awan ti agbalin nga opinyon ti Local Government Unit (LGU) iti nagbalin a rakurak ni Gamboa ket mapagbalin daytoy a pagalagadan ti PNP.
Innayon na a no mapagbalin a pagalagadan ti PNP ket paipalubosen ti agsusugal iti minatayan.
Nupay kasta, kuna na a masapol a maysa laeng a lamisaan ti pagyanan dagiti agsusugal ti baraha, idinto a maysa met kadagiti agay-ayam ti majong.
