LAOAG CITY – Immapela ni Police Chief Inspector Roldan Suitos, ti chief of police iti Sarrat, Ilocos Norte kadagiti baro nga opisyal ti barangay ti nasao nga ili.
Daytoy ket ti pannaki-kammayyet dagiti opisyal ti barangay iti kampanya da kontra iti illegal a droga, panagikot ti paltog ken panagsusugal iti ili a Sarrat.
Inbatad ni Suitos a no adda ti maidanun kadakuada nga impormasyon ket dagus da nga agmonitor ken iberipikar.
Innayon ni Suitos nga inbilin ni Presidente Rodrigo Duterte ti ad-adda pay a pannakapaiget ti kampanya da kontra iti illegal a sugal.
Mainaig ti daytoy, inpakaamo ni Suitos a ngimmato ti maipataw a piyansa dagiti matiliw nga agsusugal gapu ta umaboten ti 30 ribo a pisos.
Inlawlawag na a karaman kadagiti maibilang nga illegal a sugal ket ti tong-it, lucky 9, pitu-pito, pepito, lakatak ken dadduma pay.
