LAOAG CITY – Naglikudan ni Police Chief Master Sergeant Ferdinand Santos, hepe ti PNP traffic division dagiti alegasyon kontra kadakuada a kameng ti PNP traffic division.
Daytoy ket mainaig ti akusasyon a maipagarup a naginom da bayat nga adda da ti police station, maipagarup a nakainom da nga agresponde ken panagdawat ti maparti ken mapulutan nga aso kadagiti sumrek a traffic aide.
Naglikudan pay ni Santos ti maipagarup a saan a panagiremit iti bayad ti ambulansya mainaig iti pannakaitulnog ti pasyente iti ruwar ti probinsya.
Kuna na nga awan ti kinapudno dagiti alegasyon ken maibilang daytoy a pammerdi.
Saanen a nagsarita pay ni Santos mainaig kadagiti nasao a banag.
