LAOAG CITY – Nakapasar dagiti residente iti ili ti Solsona ti panagtudo ti ice.
Segun kenni Barangay Kagawad Danny Domingo iti Brgy. Laureta iti ili ti Solsona, maiyarig iti ice cube ti kadakkel ti panagtudo ti ice idi kalman.
Kuna na a nalussokan pay iti maysa a galba a plastic iti pagtaengan ti karruba da.
Inbatad ni Domingo nga immabot iti 20 a minotos ti kapaot ti panagtudo na ti ice.
Narisgu para iti bagi kangrunaan iti ulo no matamaan kadagiti nagtennag nga ice.
Gapu ti kadadakkel dagiti ice ket nagtalinaed da iti barangay hall ken inobserbaran da no adda ti madadael kadagiti bubong ken dadduma pay a banag nga adda iti ruwar.
Saanen a damo a napasaran da ti hail storm iti ili da gapu ta adda pay ti panagtudo na ti ice a kadadakkel met iti bukel ti mais.
Innayon ni Domingo nga iyur-uray da dagiti residente nga agreport mainaig kadagiti possible a nadadael kalpasan ti panagtudo ti ice iti ili ti Solsona.
