LAOAG CITY – Inburay ti naragsak a reaksion ti kaunaan nga Olympic gold medalist a ni Hidilyn Diaz kalpasan a nakagun-od ni Carlos Yulo ti balitok a medalya iti Paris Olympics 2024.
Nagun-od ni Yulo ti balitok a medalya iti floor exercise gymnastics ken nakaala ti 15.00 nga iskor ni Yulo nga addaan ti 6.600 difficulty ken 8.400 iti execution tapno maiyawid ti balitok a medalya iti Pilipinas.
Iti post ni Diaz, naka-tag ni Yulo, kunana a “Yehey! May Olympic Gold tayo.”
Agpada nga inbandera da Diaz ken Yulo ti pagilian iti adu nga international events, maysa ditoyen iti napalabas a Tokyo Games no sadinno binurak ni Diaz dagiti rekord tapno agbalin a kampeon iti women’s 55kg division.
Nupay kasta, iti daytoy a gundaway, inpasingked ni Yulo a saan a mapukaw ti balitok a medalya para iti Pilipinas.
