LAOAG CITY – Daydaywen dagiti ado a turista ti maibilang nga higante a karabasa idiay Barangay Paayas, Burgos, Ilocos Norte.
Segun ti agtagikua a ni Mr. Erwin Dugay, residente met laeng ti nasao a barangay, saanna a ninamnama nga agbunga ti nakadakdakkel ti karabasa na ken agdagsen ti 27 kilo.
Inbatad na a maymaysa laeng ti inmula na isut gapu na a kunana a no ammo na a kastoy ti bunga na ket kinaado na koman ti nagmula iti taltalon.
Kabayatanna, inbatad ni Dugay nga ilaban na ti karabasa na iti kompetisyon a kadakkelan ken kadagsenan a karabasa iti farmer’s festival a tinawen a maselselebraran idiay ili ti Burgos.
