LAOAG CITY – Balligi a naarestar ti Philippine National Police iti ili ti Bacarra ti maibilang a kas High Value Individual iti target list ti Drug Buy-Bust watch list ti Philippine National Police Region 1 iti Brgy. Pipias iti nadakamat nga ili.
Nabigbig ti suspek a ni Jefferson Baltazar, agtawen 43, naasawaan ken agtutubo iti Malolos, Bulacan.
Nasdaaw ni Brgy. Chairman Chito Visaya iti Brgy. Pipias iti ili ti Bacarra gapu ta saanna a ninamnama nga adda ti mapaspasamak nga illegal drug activities iti barangayda.
Inbatadna a naiget ti panagmonitorda kadagiti nagbalin a drug surenderees ti barangay ken saan isuna a pamiliar iti suspek gapu ta saan daytoy a botante iti nasao a lugar.
Segun met ken ni Pelina Padron, awan ti ammona a madi nga aramid ti manugangna nu di ket mapan laeng agubra kas maysa a pintor.
Inbatad pay ni Padro a maluksaw iti pannakatiliw ti manugangna ken patienna a planted daytoy.
Naammoan a dati a natiliw ti suspek idi tawen 2015 iti Brgy. 7-B babaen met laeng ti naiyuswat nga Anti-Illegal Drug Buy-Bust Operation.
kabayatanna, nagtalinaed ti suspek iti kostudiar ti Philippine National Police para iti pannakaipila ti kaso kontra kenkuana.
