LAOAG CITY – Nangiwayat ti tignay protesta ti Philippine Anti-Discrimination Alliance of Youth Leaders (PANTAY) ken UNAIDS iti Elliptical Road, Quezon City kas panangselebrar iti Zero HIV Stigma Day.
Nagpanawagan dagiti grupo iti gobierno a nayonan ti pundo para iti HIV programs ken serbisio kagiddan ti agtultuloy a panagngato ti kaso ti HIV nangruna kadagiti agtutubo.
Kas paset ti kampania, nangipaayda dagiti kallugong kadagiti commuter kas simbolo ti proteksion ken tapno allukoyen ti pannakaikkat ti stigma iti panagusar kadagiti HIV prevention tools kas ti condoms ken Pre-Exposure Prophylaxis (PrEP).
