LAOAG CITY – Agsasango dagiti hog raisers, City Veterinarian ken City Agriculturist ditoy ciudad ti Laoag intono martes, Oktubre 11.
Daytoy ti inbatad ni Sang Panlungsod member Handy Lao, ti Chairman ti Committee on Agriculture ditoy ciudad.
Segun ken ni Lao, ti kangrunaan a pagsasaritaan dagiti maseknan ket maipanggep pay laeng iti problema iti African Swine Fever (ASF) virus.
Innayon na a karaman a possible a matratar ket ti tulong a maipaay kadagiti hog raisers, presyo ti live weight, karne ti baboy ken dadduma pay.
