LAOAG CITY – Nagtulag ti Senado a limitaran ti panangipasa kadagiti gakat iti local holidays iti kalikagum ti agpanpanday linteg nga agbalin a “more competitive” ti pagilian, maibasar ken ni Senate President Francis “Chiz” Escudero
Inbatadna nga adda ti local holidays iti tunggal siudad, munisipalidad ken probinsia malaksid iti national holidays ken religion-related holidays.
Inladawan ni Escudero ti holidays idiay United States no sadinno selselebraranda amin dagiti bannuar wenno dagiti Presidente iti uneg laeng ti maysa nga aldaw.
Kunana a kiniddawdan ti panagadal iti holiday format idiay Estados Unidos ngem dinakamatna a posible a mangitunda daytoy ti dibision kadagiti Senador.
Innayonna a saan met a kasapulan nga ita a maiyuswat ti gagemna ngem nasken a main-inot daytoy.
