LAOAG CITY – Nakairekord ti Department of Health (DOH) ti 529 a road incidents manipod December 22, 2024 agingga iti Enero 1, 2025, nangatngato ti 31 a porsiento no ikompra ara ti datos iti isu met laeng a panawen idi 2023 holiday season.
Basar iti Department of Health, adda ti 33 a baro a kaso a nairekord manipod iti Disyembre 31, 2024 agingga iti Enero 1, 2025.
Inpakaammo ti ahensya a 91 manipod iti nasao a bilang ket napasamak gapu iti kaaddan ti impluwensya ti nasanger dagiti driver.
Kaadoan kadagiti nairaman iti insidente ket dagiti nakamotorsiklo nga umabot iti 383 a nakairamanan ti 459 nga indibidual a saan a nakasuot ti helmet.
Gapu iti daytoy, nagpalagip manen ti Department of Health iti publiko a kanayun nga agusar ti protective equipment kas ti helmet para kadagiti motorcycle riders ken seatbelt kadagiti naka-4 wheels ken dadduma a behikulo.
