LAOAG CITY – Ibilang ni Provincial Director Police Sr. Supt. Jose Melencio Nartatez Jr. a nalinak ken natalna ti makalawas a Semana Santa.
Inadmitir na nga adda ti sumagmamano a nakana a pasamak kas iti pannakapaltog, aksidente iti kalsada, ken komosyon.
Kuna na nga awan kadagiti turista ti nadangran wenno biktima ti insidente.
Nagyaman ni Nartatez kadagiti emergency responders gapu ta nakaisalbar da ti tallo a tattao a dandani a nalmes iti Fort Ilocandia resort.
Inpasingked ni Nartatez mapaigetan to pay ti ipaay da a seguridad iti pannakangilin ti Semana Santa iti sumaruno a tawen.
Ginutigot na ti publiko a makitinnulong kadagiti pannakabagi ti linteg ken dagiti opisyal ti barangay para ti pannakaipaay ti seguridad.
