LAOAG CITY – Insuko ni Barangay Chairman Dionisio Barayuga iti Brgy. 22 San Guillermo iti ili ti San Nicolas, ti maysa a homemade shotgun nga insuko met ti maysa a kabarangayan na.
Segun kenni Police Lt. Wyrlo Gatoc, deputy chief iti PNP-CIDG, timmawag ni Barayuga tapno maipaima kadakuada ti homemade shotgun maiyarig iti langa ti gagangay a paltog.
Inlawlawag na a makargaan met laeng iti 12 gauge bullet.
Inbatad ni Gatoc nga iraman da ti nasao a paltog iti listaan dagiti loose firearm babaen iti Oplan Katok.
Innayon na nga idalan da pay iti ballistic examination ti paltog tapno madeterminar no bilang nausar daytoy iti krimen.
