LAOAG CITY – Manayunan ti honorarium dagiti Barangay Health Workers ditoy ciudad ti Laoag manipud iti sangaribu a pisos ket ngimmato daytoy iti dua ribu a pisos.
Segun ken Mayor Michael Marcos Keon, epektibo daytoy inton sumaruno a tawen.
Kagiddan iti daytoy ket naangay pay ti training ken workshop dagiti Barangay Health Workers tapno mapabileg pay ti kapasidad da iti panagserbi ditoy ciudad.
Inkari ni Keon nga agtultuloy a suportaranda dagiti Barangay Health Workers gapu ta isuda ti front liners iti tunggal barangay.
Kabayatanna, balligi met a naiyuswat ti eleksyon para iti baro nga opisyales ti Federation of Barangay Health Workers ditoy ciudad no sadinno a nabutosan ni Ms. Analissa Abad kas presidente.
