LAOAG CITY – Binayadan ni Presidente Ferdinand Marcos Jr. ti hospital bills ti pimmusay a National Artist ken Philippine Superstar a ni Nora Aunor.
Daytoy ti inpakaammo ni Presidential Communications Office (PCO) kagiddan dagiti report a binaklay ti Philippine Charity Sweepstakes Office (PCSO) ti bill ti aktres.
Segun ken ni Presidential Communications Office Senior Undersecretary Ana Puod, malaksid iti bills, nangipaay met ti personal a kuarta ni Presidente Marcos ken First Lady Liza Marcos para kadagiti dadduma pay a gastosen ni Nora iti ospital.
Nupay kasta, saanen nga inbuksilan ti Palasyo ti eksakto a gatad a binayadan ti Presidente wenno aniaman a nayon a tulong nga intulongna iti pamilia ni Nora.
Natay ti veteran actress idi Abril 17 gapu iti acute respiratory failure iti tawenna a 71.
