LAOAG CITY – Inpakaammo ni Lt. Col. Emmanuel Garcia, commander ti 4th Civil Relations Group ti Armed Forces of the Philippines a maab-abuso dagiti babbai kinautibo dagiti miembro ti Maute Group idiay Marawi City.
Daytoy ket basar ti impormasyon dagiti narescue a residente a maab-abuso wenno marames dagiti babbai a kautibo.
Kuna na a kasapulan a makita ti grupo a Gabriella ti kasasaad dagiti biktima a babbai ken saan da nga ipabasol kadagiti soldado.
Inbatad ni Garcia nga awan ti kinapudno ken awan ti pagibasaran da a dagiti soldado ti agar-aramid ti nasao a krimen.
Mainaig iti daytoy, naduktalan pay ni Garcia a dagiti kautibo ket ibaon dagiti terorista nga agtakaw kadagiti bala, armas, alahas, kuarta ken sabsabali pay a sanikua iti kada pagtaengan iti nasao a siudad.
Inayon na nga ibaon pay dagiti terorista dagiti maseknan nga agpidot kadagiti saan a bimtak a bala ti mortar nga isu ti maaramid nga Improvised Explosive Device.
