LAOAG CITY – Inpakaammo ni Laoag City Mayor James Bryan Alcid a nakasaganan dagiti hotels ditoy siudad ti Laoag ken dagiti asideg a lugar para bisita iti pannakaisayangkat ti Ironman 70.3 inton 2027.
Kunana a mabalin a sumurok 5,000 agingga 6,000 a turista ti agbalin a bisiti iti uneg laeng ti sumagmamano nga aldaw gapu iti dakkel nga event.
Gapu iti daytoy, nakisarita ti Mayor kadagiti hotel owners tapno masigurado nga umdas dagiti available a kuarto. Saan laeng a dagiti hotel iti Laoag ti mabalin a pagyanan dagiti bisbista, no diket pakairamanan payen dagiti hotel iti asideg a munisipalidad a kas iti San Nicolas ken Paoay.
Kunana a masapul ti naan-anay a panagplano tapno adda buffer iti bilang dagiti kuarto, nangruna no dumakkel pay ti bilang dagiti bisita iti nasao nga event.
Kabayatanna, namnmaenna a saan laeng a tourism ken accommodation ti maapektaran ngem no diket ti agtultuloy a panagdakkel dagiti oportunidad ti spors-related a negosio ken trabaho iti siudad ken rehion.
