LAOAG CITY – Nakastreken iti Magnolia Hotshots iti playoffs ti PBA 49th Season Commissioner’s Cup.
Daytoy ket kalpasan nga inabakna ti NLEX iti iskor a 112-81 iti knockout game-da a naisayangkat iti Ynares Center idiay Antipolo City.
Bimmida iti panangabak ti Magnolia ni Ricardo Ratliffe a nakairekord ti 32 points, 14 rebounds ken dua a blocks.
Nakaaramid met ti 14 points, innem a rebounds ni Zavier Lucero idinto nga addaan ti sag-13 points da Rome Dela Rosa ken Ian Sangalang.
Dinayaw ni Magnolia Coach Chito Victolero ti import-da gapu iti kinasirib nga inaramidna.
Sipod idi nangrugi ti ay-ayam ket iggem ti Magnolia ti lamang iti iskor a 68-37 iti panagleppas ti second half.
