LAOAG CITY – Inrakurak ni Committee Chairman JC Abalos a maminsan manen a lukatan ti House Committee on Ethics ti kaso kontra iti nasuspenso a pannakabagi ti Cavite a ni Rep. Francisco “Kiko” Barzaga inton Pebrero 3.
Inbatad ni Abalos a personal a naipatuloden ken inawat ti opisina ni Barzaga ti pakaammo mainaig iti panagdengngeg ken namnamaen ti panagatendar ken naiget a pannakikammayetna iti panangtalantan manen ti kaso.
Ti panaglukat manen ti kaso ket maiyataday iti mosyon nga inaprobaran ti plenario ti Kamara nga inpila ni Deputy Majority Leader ken 1Rider Party-list Rep. Ramon Rodrigo Gutierrez kalpasan ti privilege speech ni Manila Rep. Rolando Valeriano.
