LAOAG CITY – Inpila ni House Majority Leader Ferdinand Alexander “Sandro” Marcos ti maysa a gakat para iti pannakaimplementar ti “no work, no pay” policy para kadagiti miembro iti kongreso.
Inpetteng ni Marcos a ti absenteeism dagiti public officials ket panagsayang ti public funds.
Inlungalong ni Marcos, anak ni President Ferdinand “Bongbong” Marcos Jr. ti nasao a gakat iti babaen ti House Bill 7432 nga inpila na idi Enero 27 ita a tawen.
Inlawlawag ni Congressman Marcos a ti ‘no work, no pay’ ket general labor standard a maiyap-aplikar kadagiti mangmangged iti intero a pagilian.
Nupay kasta, kunana a no dagiti miembro ti kongreso a nakaitalkan iti responsibilidad nga agaramid kadagiti paglintegan ken mangibagbagi kadagiti tattao ket agdama a mabenbenepisyaran adda da man wenno absent da iti trabaho.
Iti babaen ti nasao a gakat, ti saan a balido a panag-absent ti maysa nga agpanpanday linteg ket mangitunda ti saan a pannakaipaay ti sweldo na.
