LAOAG CITY – Ikonsiderar ti House Committee on Appropriations ti pannakaisubli ti pondo para iti sumagmamano a programa ti Department of Education (DepEd) a naikkat wenno saan a nairaman iti naisingasing a 2027 National Expenditure Program (NEP), no sadinno a ni committee chairperson Mikaela Suansing ket kidkiddawenna ti ahensia a mangisubmitir iti prioridad a listaan dagiti programa para iti posible nga augmentation.
Innayonna a karaman kadagiti naapektaran a programa ket dagiti special needs education, school-based feeding, ARAL ken mental health, ken dadduma pay.
Kiniddaw ni Suansing ken ni Angara nga ilawlawagna ti pagbanagan no agtalinaed ti pondo para kadagiti apektado a programa iti lebel a naisingasing iti 2027 NEP.
Kinuna ni Angara a partikular a marikna ti epektona kadagiiti School-Based Feeding Program.
Segun ken ni Angara a ti nababbaba nga allocation ket kayatna a sawen a saan a makaipaay ti DepEd iti universal feeding para iti Grade 1.
Kabayatanna, agkasapulan ti Department of Education (DepEd) iti ₱145.19 bilion a suplementario a pondo tapno mataming dagiti learning gaps, personnel, imprastruktura ti pagadalan, suporta dagiti agad-adal ken inclusive education.
