LAOAG CITY –Inpetteng ti House Prosecution panel a dakkel ti ipapaay a tulong ken suporta ni Manila Rep. Benny Abante iti agtultuloy a panagusig ni Vice President Sara Duterte kabayatan iti manarimaan nga impeachment trial.
Daytoy ket kalpasan ti panangbabalaw ni Senator-judge Panfilo Lacson ken ni Rep. Abante gapu iti pannagturogna iti uneg ti Senate Impeachment Court.
Maipalagip a namin-duan a daras iti nagsaruno nga aldaw a nakita ti Manila lawmaker a matmaturog iti uneg ti korte kabayatan ti manarimaan a trial.
Mainaig iti daytoy, dagiti ladawan ni Abante kabayatan ti panangturogna ket naripar pay ni Lacson, no sadinno iti maysa nga online post, sinaludsodna no sadinnon ti pagturugan ti nasao nga agpanpanday linteg kabayatan nga idi laeng kallabes ket nakanselar ti panagusig.
Kabayatanna, iti interview ti Bombo Radyo ken ni panel spokesperson a ni Atty. Benjamin Tolosa Jr., inpetteng ti abogado nga aktibo a makipaspaset ni Abante iti trabaho ti panel iti uneg ti korte.
