LAOAG CITY – Naawaten ti Senate impeachment court ti inpatulod ti House prosecution panel a dua a pleadings.
Ti dua a pleadings ket insumitir ni House Records Management Service Dir. Billy Uy ngem saan pay a daytoy ti sungbat ti prosekusyon iti answer ad cautelam wenno sungbat ni Vice President Sara Duterte iti naisyu a writ of summons kenkuana.
Naamoan a ti pleadings ket Manifestation with re-submission of entry of appearance ti House prosecution team ken maysa a Submission ti sertipikasyon nga awan ti linabsing ti kababaan a pagpandayan linteg iti kongreso iti konstitusyon partikular iti one-year bar rule iti panagpila ti impeachment case kontra ken ni Duterte.
Saan pay a maidetalye ni Senate Secretary Renato Bantug Jr. ti linaon dagiti pleadings gapu ta basaen paylaeng daytoy ken patuludan nga umuna ti kopya dagiti senator judges.
