LAOAG CITY – Masdaaw ti House prosecution panel no apay a nausar ti confidential funds para iti seguridad ni Bise Presidente Sara Duterte idinto nga addaan daytoy iti Vice Presidential Security and Protection Group (VPSPG) nga addaan iti 400 a personnel ken addaan ti agsina a pondo.
Kinuna ti legal a pannakangiwat ken abogado ti House prosecution a ni Benjamin “Jay” Tolosa Jr. kalpasan ti testimonia iti impeachment trial ti witness a ni Commission on Audit-Intelligence and Confidential Funds Audit Office supervising auditor Xylene Mae del Campo.
Impaganetget ti House trial spokesperson ken Kabataan Party-list Rep. Renee Louise Co nga adda naisina a pondo ti VPSPG manipud iti Office of the Vice President.
Basar met iti testimonia ni Del Campo, nagastos ti confidential funds para kadagiti surveillance operations dagiti aktibidad ken engagement ni VP Sara a pakairamanan ti panagatendarna kadagiti inauguration activities, tree-planting, Christmas activities ken dadduma pay.
Kabayatanna, masdaaw met ni House prosecution spokesperson Rep. Zia Alonto Adiong no apay a minilion a pisos ti gatad ti confidential funds para iti seguridad ni VP Sara idinto nga ipagpannakkelda a ti Davao kas katalgedan a lugar.
