LAOAG CITY – Nagtalinaed a nakasagana ti House prosecution panel nga ituloy ti maiwayat nga impeachment trial kontra ken ni Vice President Sara Duterte inton Hulio, aniaman ti panagbalbaliw iti liderato ti Senado.
Inrakurak dagiti miembro ti panel ti naiget a panagtalekda nga aramiden ti responsibilidad ti Senado iti babaen ti Konstitusion.
Inbatad ni House prosecutor Terry L. Ridon ti Bicol Saro Party-list a nakatutok ti grupoda iti panagsagsagana ti kaso ken panangidatag dagiti ebidensia iti Senate impeachment court.
Inpetteng met ni House trial spokesperson ken Lanao del Sur Rep. Zia Alonto Adiong a ti naudi a napasamak iti Senado ket nasken nga isuda met laeng ti mangiyurnos.
Inpasiguradona a ti 11-member House prosecution panel ket agtaltalinaed a nakatutok iti pammilinda basar iti Konstitusion.
Kuna ni Adiong a nakatutokda iti merito ti kaso ken iti proseso ti linteg ken mangnamnamada a maiwayat ti panagdengngeg basar kadagiti immunan a naikeddeng nga schedule.
