LAOAG CITY – Manamnama nga agdesision inton sumaruno a lawas ti House prosecution panel no maituloy pay nga ipresentar ti bribery allegation iti impeachment trial kontra ken ni Vice President Sara Duterte.
Ti nadakamat nga alegasion ket sakupenna ti maipagarup a panangipaay ti Bise Presidente dagiti ‘suksok’ wenno bribe kadagiti sumagmmano nga opisial ti Department of Ediucation (DepEd) idi daytoy ket nagserbi kas sekretario iti ahensia.
Segun ken ni counsel for the prosecution Atty. Lorna Kapunan a pagsaritaan pay laeng ti panel ti pinal a decision mainaig iti presentsion iti bribery issue ken tingtingitingenda no ania ti agbalin nga epekto ken implikasion daytoy no man saan a maituloy ti pannakaipresentar.
Iti agdama, malpasen ti House panel iti presentasionna daytoy dagiti testigo ken isaruno ti formal ‘offer of evidence.’
Kunana a posible a mapasamak daytoy inton sumasuno a lawas wenno iti maudi a paset ti Oktubre.
Kampante met ti abogado ti amin a tallo nga article nga naipresentarda ken manarimaan ti pannakapresentar ti arig nadadagsen a kaso ken umdas tapno paneknekan dagiti naaramid ng impeachable offense ni Duterte.
Inpaganetget ti abogado nga aniaman ti agbalin nga decision iti bribery allegation key umdas ti iggemda nga ebidensia ken target a testigo para iti nadakamat nga article.
